यस्तो पनि हुँदो रैछ, जिन्दगीमा कहिले कहिले !

Yesto pani hudo Raicha (यस्तो पनि हुँदो रैछ)

यस्तो पनि हुँदो रैछ, जिन्दगीमा कहिले कहिले
कसैलाई माया गर्नु, एउटा भुल गरें मैले । 

मेरो जस्तो माया दिने, तिमीलाई हजार होलान
तिम्रा लागि मेरा जस्ता, हजार हजार मुटु रोलान ।
 
जसलाई आफ्नो सम्झेको थिएँ, उही बिरानो भयो अहिले
कसैलाई माया गर्नु, एउटा भुल गरें मैले । 

मेरो माया कुल्ची जाने, तिम्रो माया फलोस फुलोस
मेरो इच्छा मारी जाने, तिम्रो इच्छा सधैँ पुगोस् ।
 
उदास आँखा मेरा पनि, सपना देख्थे पहिले पहिले
कसैलाई माया गर्नु, एउटा भुल गरें मैले । 

[आवाजः फत्तेमन राजभंडारी]
[शब्दहरुः यादव खरेल]
[संगीत: नाती काजी]

Share:

Read More