नववर्ष २०८१ को हार्दिक मंगलकामना !

नव वर्ष २०८१ को पहिलो शुभ दिनको पावन अवसरमा सम्पूर्ण प्रियजन तथा इष्टमित्रहरूमा विशेष विशेष शुभकामना ! सायद हामीले अघिल्लो वर्ष धेरै गुमायौं होला, खासमा, जीवन हाँसिल गर्ने र गुमाउने शिलशिला नै हो । तर, यो वर्ष हामी सबैको आशाको वर्ष हुनेछ, यो वर्षले हामी सबैको जीवनमा समृद्धि, सुस्वास्थ्य, आत्मसन्तुष्टि, सत्विचार, सतप्रेम, सद्भाव, आनन्दीपना, उत्साह, हर्षोउल्लास र खुशीको वहार लिएर आउने छ । यो वर्ष हामी सबै मिलेर हाम्रा सपनाहरू साकार गर्न पाउँछौ । यो वर्ष हामी सबैको हृदय प्रेमगीतले झंकार हुनेछ । यो वर्षले हामी सबैलाई आखिरीमा हामी को हौ त भन्ने थाहा पाउन, आत्मिक ध्यानको गहिराईमा डुबाउँने छ । यो वर्षले हाम्रो चेतन तन्तुलाई थप जाग्रीत बनाउने छ ।

हामीले विगतका गल्तिहरूबाट सिकेको पाठ र अनुभवहरूको आधारमा, यो वर्ष हामी बेहोसीमा हैन होसपूर्वक अघि बढ्नेछाैं । हामीले सिकेको र बुझेको कुरा सबैमाझ साझा गर्न सकौं । धनसम्पत्ति, शक्ति, प्रसिद्धि र भौतिक सुखसुविधा भन्दा पर, सरल तर आनन्दपूर्ण जीवन छ भन्ने कुराको मनन गर्न सकौं । हामीले आफुलाई, हाम्रो प्रकृति र सम्पूर्ण चराचर प्राणीहरूलाई, समान प्रेम गर्नुपर्छ भन्ने समभाव हामीमा विकास गराउन सकौं अर्थात, म भन्दा पनि हामी भन्ने दृष्टिकोण राखौं । र, यो वर्ष हामीले आफुलाई जति सकिन्छ, हाम्रो समाज र समुदायको लागि समर्पित गर्न सकौं । नयाँ वर्ष २०८१ को हार्दिक मंगलकामना!

Share:

Read More

२०८०, तिमिलाई धेरै धेरै धन्यवाद !

आज २०८० सालको अन्तिम दिन, कर्मथलोबाट भएपनि यो वर्षलाइ बिदाई गर्न एक तस्बिर खिचियो । यो साल पनि विगताका अरू सालझैं गल्तिहरू गर्दै गर्दै र हरेक गल्तिहरूबाट जीवन्त पाठहरू सिक्दै सिक्दै बित्यो । यो साल पनि जिन्दगीको मैदानमा संघर्ष गर्दै, अझ भनौं पढेर-परेर-र-गरेर सिकाई, ज्ञान र अनुभव बटुल्दै, सुन्दर भोलिको सपना बुन्दै बित्यो । मलाई विश्वास छ, अस्तित्वले मलाई जहाँ पुर्याउन पर्ने हो त्यही बाटोमा निरन्तर मलाई हिँडाउनेछ, र मलाई म को हुँ, त्यही बनाउने छ । मेरो सरल जीवनलाई अनेकन हन्डर ठक्कर खुवायरै भएपनि मलाई मेरो असली राजमार्ग पथमै हिँडाएकोमा म तिमी प्रति कृतज्ञ छु, धेरै धन्यवाद २०८० !

Share:

Read More

अस्तित्वको अन्तिम घन्टीः मर्नुभन्दा पहिले, एक पटक जाग !

ए मान्छे भाइ

संसारको भोगमा,

पद, पैसा र प्रतिष्ठाको दौडमा, 

तिमिले बच्पनदेखि नै-

जिवन जिउन त भुलीसक्यौ,

तर, कृपया, एउटा कुरा नभुल-

तिमिले छिटै एक दिन मर्नु पर्छ ।

मर्नुभन्दा पहिले,

एक पटक जाग,

नमर्नु मरिसकेपछि

बेहोसीमा हैन

होसमा मर ।

म हुँ शाश्वत अस्तित्व ।

यो नयाँ वर्षलाइ,

एउटा आशाको वर्ष बनाउ ।

तिम्रो अर्धमृत जीवनलाइ,

यो नयाँ वर्षमा पुनर्जीवन देउ ।

तिम्रो मरूभुमी जीवनमा,

यदि तिमि आशाको बिज रोप्न चाहान्छौ भने,

जीवनलाइ यदि फुल्न र फलाउन चाहान्छौ भने,

तिमिलाइ मेरोतर्फबाट यो अन्तिम अवसर हो,

ए मान्छे भाइ, तिमि जाग ।

सान्सारीक भोगको दास हुन बाट जाग

पैसा, बस्तु र मालको दास  हुनबाट जाग,

कम्प्युटर, मेसीन र मोबाइलको दासत्वबाट जाग ।

 म हुँ शाश्वत अस्तित्व ।

तिमि एकपटक गहिरो मौनतामा डुब,

तिमि एकपटक मौनताको महाशुन्यतामा हराउ,

सारा ब्रमाण्डिय गुप्त रहस्यहरू खुल्नेछ ।

तिम्रो जीवनको अर्थ पत्ता लाग्ने छ ।

तिमि को हौ, त्याे पत्ता लाग्ने छ ।

यो नयाँ वर्ष तिम्रो जागरणको लागि

सायद अन्तिम मौका हुनेछ ।

मान्छे भाइ, तिमी जाग ।

म हुँ शाश्वत अस्तित्व ।

आत्माको लाल्टिन जलाउ,

आज्ञा चक्र उघारेर हेर-

जुनको आकाशीय उज्यालो,

ताराहरूको अलौकिक चमक,

सुर्यको चमत्कारीक प्रकाश,

छायाको कलात्मक नृत्य, 

वायुको सुमधुर संगीत, 

ऋतुहरूको नित्य चक्र,

ढुंगा-माटोको सौम्य सरलता,

धर्तीको सार्वभौम गुरूत्व,

नदीको सतत सरिता लय,

आकाशको अनन्त विराटता,

ब्रमाण्डको सबै सबै जादुयी चमत्कारहरू देख्ने छौ,

तिमी को हौ?, त्यो पनि थाहा पाउने छौ,

सत्य के रहेछ, तिमिलाइ बल्ल थाहा लाग्ने छ ।

ए मान्छे भाइ,

कृपया, मर्नुभन्दा पहिले तिमि एकपटक जाग,

पूर्णतातर्फको एक पवित्र तिर्थयात्राको निमित्त,

सादय 2024 तिम्रो लागि,

मेरोतर्फबाट अन्तिम मौका हुनेछ ।

म हुँ शाश्वत अस्तित्व ।

Share:

Read More